vaqt kī ret pe sūraj ne lahū thūkā phir
sā.ateñ koḌā ke dāġhoñ meñ nahā kar niklīñ
machhliyāñ lams ke hāthoñ meñ ghaḌī bhar na rukīñ
haDDiyāñ ḳhvāb ke kuttoñ ne chabā.īñ shab bhar
hijrateñ apne muqaddar meñ lahū-chehra haiñ
kaun ḳhamyāza bhugatne kī salāḳheñ chāTe
kaun zanjīr ke halqoñ meñ samundar bāñdhe
kaun lafzoñ ke mazāroñ pe na.e phuul rakhe
kaun sāyoñ ko talāshe yahāñ qindīl liye
abrha ka.aba kī dīvār ke saa.e meñ jale
kāñch kī chūḌiyāñ bajtī haiñ lahū kī tah meñ
ġham tumhārā thā zindagī goyā tum ko khoyā use nahīñ khoyā fart-e-girya se jī na halkā ho bas yahī soch kar nahīñ royā ashk to ashk haiñ sharāb se bhī maiñ ne ye dāġh-e-dil nahīñ dhoyā maiñ vo kisht-e-nashāt kyoñ kāTūñ jis ko maiñ ne kabhī nahīñ boyā aabla aabla thī jaañ phir bhī bār-e-hastī
janam kā andhā jo soch aur sach ke rāstoñ par kabhī kabhī koī ḳhvāb dekhe to ḳhvāb meñ bhī azaab dekhe ye shāhrāh-e-hayat jis par hazār-hā qāfile ravāñ haiñ sabhī kī āñkheñ har ek kā dil sabhī ke raste sabhī kī manzil isī hujūm-e-kashāñ-kashāñ meñ tamām chehroñ kī dāstāñ meñ na naam merā na zaat
vo kaisā shobada-gar thā jo masnūī sitāroñ aur naqlī sūrajoñ kī ik jhalak dikhlā ke mere saada dil logoñ kī āñkhoñ ke diye hoñToñ ke jugnū le gayā aur ab ye aalam hai ki mere shahr kā har ik makāñ ik ġhaar kī mānind mahrūm-e-navā hai aur hañstā boltā har shaḳhs ik dīvār-e-girya hai
ai siyah-fām hasīna tirā uryāñ paikar kitnī pathrā.ī huī āñkhoñ meñ ġhaltīda hai jaane kis daur-e-alama-nāk se le kar ab tak tū kaḌe vaqt ke zindānoñ meñ ḳhvābīda hai tere sab rañg hayūle ke ye be-jān nuqūsh jaise marbūt ḳhayālāt ke tāne-bāne ye tirī sāñvlī rañgat ye pareshān ḳhutūt bārhā jaise miTāyā ho inheñ duniyā
