mirza ghaalib

Share on facebook
Facebook
Share on twitter
Twitter
Share on linkedin
LinkedIn

fikr-e-insāñ par tirī hastī se ye raushan huā

hai par-e-murġh-e-taḳhayyul kī rasā.ī tā-kujā

thā sarāpā ruuh tū bazm-e-suḳhan paikar tirā

zeb-e-mahfil bhī rahā mahfil se pinhāñ bhī rahā

diid terī aañkh ko us husn kī manzūr hai

ban ke soz-e-zindagī har shai meñ jo mastūr hai

mahfil-e-hastī tirī barbat se hai sarmāya-dār

jis tarah naddī ke naġhmoñ se sukūt-e-kohsār

tere firdaus-e-taḳhayyul se hai qudrat kī bahār

terī kisht-e-fikr se ugte haiñ aalam sabza-vār

zindagī muzmar hai terī shoḳhi-e-tahrīr meñ

tāb-e-goyā.ī se jumbish hai lab-e-tasvīr meñ

nutq ko sau naaz haiñ tere lab-e-ejāz par

mahv-e-hairat hai surayyā rif.at-e-parvāz par

shāhid-e-mazmūñ tasadduq hai tire andāz par

ḳhanda-zan hai ġhuncha-e-dillī gul-e-shīrāz par

aah tū ujḌī huī dillī meñ ārāmīda hai

gulshan-e-vīmar meñ terā ham-navā ḳhvābīda hai

lutf-e-goyā.ī meñ terī ham-sarī mumkin nahīñ

ho taḳhayyul kā na jab tak fikr-e-kāmil ham-nashīñ

haa.e ab kyā ho ga.ī hindostāñ kī sar-zamīñ

aah ai nazzāra-āmoz-e-nigāh-e-nukta-bīñ

gesu-e-urdū abhī minnat-pazīr-e-shāna hai

sham.a ye saudā.i-e-dil-sozi-e-parvāna hai

ai jahānābād ai gahvāra-e-ilm-o-hunar

haiñ sarāpā nāla-e-ḳhāmosh tere baam dar

zarre zarre meñ tire ḳhvābīda haiñ shams o qamar

yuuñ to poshīda haiñ terī ḳhaak meñ lākhoñ guhar

dafn tujh meñ koī faḳhr-e-rozgār aisā bhī hai

tujh meñ pinhāñ koī motī ābdār aisā bhī hai

Poets
  • ADIL MANSURI116 Post(s)
  • AHMAD FARAZ337 Post(s)
  • Ahmad Nadeem Qasmi82 Post(s)
  • Allama Iqbal494 Post(s)
  • Mirza ghalib52 Post(s)
English Poets
  • Emily Angel31 Post(s)
  • Emily Dean13 Post(s)
  • Emily Huntington Miller7 Post(s)
  • Emily Knight13 Post(s)
  • Emily Liang26 Post(s)
  • Emily Wilson17 Post(s)
  • Robert Frost191 Post(s)
  • Rumi148 Post(s)
  • William Shakespeare376 Post(s)
On Trend

Popular Poetry

tazmin

ġham tumhārā thā zindagī goyā tum ko khoyā use nahīñ khoyā fart-e-girya se jī na halkā ho bas yahī soch kar nahīñ royā ashk to ashk haiñ sharāb se bhī maiñ ne ye dāġh-e-dil nahīñ dhoyā maiñ vo kisht-e-nashāt kyoñ kāTūñ jis ko maiñ ne kabhī nahīñ boyā aabla aabla thī jaañ phir bhī bār-e-hastī

safed chhaDiyan

janam kā andhā jo soch aur sach ke rāstoñ par kabhī kabhī koī ḳhvāb dekhe to ḳhvāb meñ bhī azaab dekhe ye shāhrāh-e-hayat jis par hazār-hā qāfile ravāñ haiñ sabhī kī āñkheñ har ek kā dil sabhī ke raste sabhī kī manzil isī hujūm-e-kashāñ-kashāñ meñ tamām chehroñ kī dāstāñ meñ na naam merā na zaat

diwar-e-girya

vo kaisā shobada-gar thā jo masnūī sitāroñ aur naqlī sūrajoñ kī ik jhalak dikhlā ke mere saada dil logoñ kī āñkhoñ ke diye hoñToñ ke jugnū le gayā aur ab ye aalam hai ki mere shahr kā har ik makāñ ik ġhaar kī mānind mahrūm-e-navā hai aur hañstā boltā har shaḳhs ik dīvār-e-girya hai

mujassama

ai siyah-fām hasīna tirā uryāñ paikar kitnī pathrā.ī huī āñkhoñ meñ ġhaltīda hai jaane kis daur-e-alama-nāk se le kar ab tak tū kaḌe vaqt ke zindānoñ meñ ḳhvābīda hai tere sab rañg hayūle ke ye be-jān nuqūsh jaise marbūt ḳhayālāt ke tāne-bāne ye tirī sāñvlī rañgat ye pareshān ḳhutūt bārhā jaise miTāyā ho inheñ duniyā

%d bloggers like this: