gosht ki saDkon par

Share on facebook
Facebook
Share on twitter
Twitter
Share on linkedin
LinkedIn

phuul baasī ho ga.e haiñ

lams kī shiddat se thak kar

haath jhūTe ho ga.e haiñ

is jagah kal nahr thī aur aaj dariyā bah rahā hai

būḌhā māñjhī kah rahā hai

ḳhvāhishoñ ke peḌ par laTke hue

sāyoñ ko dīmak khā rahī hai

vaqt kī naalī meñ

sūraj chāñd taare bah rahe haiñ

barf ke jañgal se shole uTh rahe haiñ

ḳhvāb ke jalte hue chīte

merī āñkhoñ meñ aa kar chhup ga.e haiñ

ghar kī dīvāroñ pe

tanhā.ī ke bichchhū reñgte haiñ

tishnagī ke saañp

ḳhālī paanī ke maTke meñ apnā muñh chhupā.e ro rahe haiñ

raat ke bahke hue hāthī

ufuq ke band darvāze pe dastak de rahe haiñ

haath chhoḌo

haath meñ kāñTā chubhā hai

tiin din se phāñs andar hai

nikaltī hī nahīñ

naam kyā hai aur kahāñ rahte ho tum

jaamā masjid ke qarīb

kahte haiñ masjid ke mīnāre bhī the

shahr meñ ik zalzala aayā thā jis se gir ga.e

gosht kī saḌkoñ pe

kaale ḳhuun ke sāyoñ kā sūraj chal rahā hai

lazzatoñ kī aag meñ tan jal rahā hai

Poets
  • ADIL MANSURI116 Post(s)
  • AHMAD FARAZ337 Post(s)
  • Ahmad Nadeem Qasmi82 Post(s)
  • Allama Iqbal494 Post(s)
  • Mirza ghalib52 Post(s)
English Poets
  • Emily Angel31 Post(s)
  • Emily Dean13 Post(s)
  • Emily Huntington Miller7 Post(s)
  • Emily Knight13 Post(s)
  • Emily Liang26 Post(s)
  • Emily Wilson17 Post(s)
  • Robert Frost191 Post(s)
  • Rumi148 Post(s)
  • William Shakespeare376 Post(s)
On Trend

Popular Poetry

tazmin

ġham tumhārā thā zindagī goyā tum ko khoyā use nahīñ khoyā fart-e-girya se jī na halkā ho bas yahī soch kar nahīñ royā ashk to ashk haiñ sharāb se bhī maiñ ne ye dāġh-e-dil nahīñ dhoyā maiñ vo kisht-e-nashāt kyoñ kāTūñ jis ko maiñ ne kabhī nahīñ boyā aabla aabla thī jaañ phir bhī bār-e-hastī

safed chhaDiyan

janam kā andhā jo soch aur sach ke rāstoñ par kabhī kabhī koī ḳhvāb dekhe to ḳhvāb meñ bhī azaab dekhe ye shāhrāh-e-hayat jis par hazār-hā qāfile ravāñ haiñ sabhī kī āñkheñ har ek kā dil sabhī ke raste sabhī kī manzil isī hujūm-e-kashāñ-kashāñ meñ tamām chehroñ kī dāstāñ meñ na naam merā na zaat

diwar-e-girya

vo kaisā shobada-gar thā jo masnūī sitāroñ aur naqlī sūrajoñ kī ik jhalak dikhlā ke mere saada dil logoñ kī āñkhoñ ke diye hoñToñ ke jugnū le gayā aur ab ye aalam hai ki mere shahr kā har ik makāñ ik ġhaar kī mānind mahrūm-e-navā hai aur hañstā boltā har shaḳhs ik dīvār-e-girya hai

mujassama

ai siyah-fām hasīna tirā uryāñ paikar kitnī pathrā.ī huī āñkhoñ meñ ġhaltīda hai jaane kis daur-e-alama-nāk se le kar ab tak tū kaḌe vaqt ke zindānoñ meñ ḳhvābīda hai tere sab rañg hayūle ke ye be-jān nuqūsh jaise marbūt ḳhayālāt ke tāne-bāne ye tirī sāñvlī rañgat ye pareshān ḳhutūt bārhā jaise miTāyā ho inheñ duniyā

%d bloggers like this: