atā huī hai tujhe roz o shab kī betābī
ḳhabar nahīñ ki tū ḳhākī hai yā ki sīmābī!
sunā hai ḳhaak se terī numūd hai lekin
tirī sarisht meñ hai kaukabī o mahtābī!
jamāl apnā agar ḳhvāb meñ bhī tū dekhe
hazār hosh se ḳhush-tar tirī shakar-ḳhvābī
girāñ-bahā hai tirā girya-e-sahar-gāhī
isī se hai tire naḳhl-e-kuhan kī shādābī!
tirī navā se hai be-parda zindagī kā zamīr
ki tere saaz kī fitrat ne kī hai mizrābī!