darwaza band dekh ke mere makan ka

Share on facebook
Facebook
Share on twitter
Twitter
Share on linkedin
LinkedIn

darvāza band dekh ke mere makān kā

jhoñkā havā kā khiḌkī ke parde hilā gayā

vo jān-e-nau-bahār jidhar se guzar gayā

peḌoñ ne phuul pattoñ se rasta chhupā liyā

us ke qarīb jaane kā anjām ye huā

maiñ apne-āp se bhī bahut duur jā paḌā

añgḌā.ī le rahī thī gulistāñ meñ jab bahār

har phuul apne rañg kī ātish meñ jal gayā

kāñTe se TūTte haiñ mire añg añg meñ

rag rag meñ chāñd jaltā huā zahr bhar gayā

āñkhoñ ne us ko dekhā nahīñ is ke bāvajūd

dil us kī yaad se kabhī ġhāfil nahīñ rahā

darvāza khaTkhaTā ke sitāre chale ga.e

ḳhvāboñ kī shaal oḌh ke maiñ ūñghtā rahā

shab chāñdnī kī aañch meñ tap kar nikhar ga.ī

sūraj kī jaltī aag meñ din ḳhaak ho gayā

saḌkeñ tamām dhuup se añgāra ho ga.iiñ

andhī havā.eñ chaltī haiñ in par barhana-pā

vo aa.e thoḌī der ruke aur chale ga.e

‘ādil’ maiñ sar jhukā.e hue chup khaḌā rahā

Poets
  • ADIL MANSURI116 Post(s)
  • AHMAD FARAZ337 Post(s)
  • Ahmad Nadeem Qasmi82 Post(s)
  • Allama Iqbal494 Post(s)
  • Mirza ghalib52 Post(s)
English Poets
  • Emily Angel31 Post(s)
  • Emily Dean13 Post(s)
  • Emily Huntington Miller7 Post(s)
  • Emily Knight13 Post(s)
  • Emily Liang26 Post(s)
  • Emily Wilson17 Post(s)
  • Robert Frost191 Post(s)
  • Rumi148 Post(s)
  • William Shakespeare376 Post(s)
On Trend

Popular Poetry

tazmin

ġham tumhārā thā zindagī goyā tum ko khoyā use nahīñ khoyā fart-e-girya se jī na halkā ho bas yahī soch kar nahīñ royā ashk to ashk haiñ sharāb se bhī maiñ ne ye dāġh-e-dil nahīñ dhoyā maiñ vo kisht-e-nashāt kyoñ kāTūñ jis ko maiñ ne kabhī nahīñ boyā aabla aabla thī jaañ phir bhī bār-e-hastī

safed chhaDiyan

janam kā andhā jo soch aur sach ke rāstoñ par kabhī kabhī koī ḳhvāb dekhe to ḳhvāb meñ bhī azaab dekhe ye shāhrāh-e-hayat jis par hazār-hā qāfile ravāñ haiñ sabhī kī āñkheñ har ek kā dil sabhī ke raste sabhī kī manzil isī hujūm-e-kashāñ-kashāñ meñ tamām chehroñ kī dāstāñ meñ na naam merā na zaat

diwar-e-girya

vo kaisā shobada-gar thā jo masnūī sitāroñ aur naqlī sūrajoñ kī ik jhalak dikhlā ke mere saada dil logoñ kī āñkhoñ ke diye hoñToñ ke jugnū le gayā aur ab ye aalam hai ki mere shahr kā har ik makāñ ik ġhaar kī mānind mahrūm-e-navā hai aur hañstā boltā har shaḳhs ik dīvār-e-girya hai

mujassama

ai siyah-fām hasīna tirā uryāñ paikar kitnī pathrā.ī huī āñkhoñ meñ ġhaltīda hai jaane kis daur-e-alama-nāk se le kar ab tak tū kaḌe vaqt ke zindānoñ meñ ḳhvābīda hai tere sab rañg hayūle ke ye be-jān nuqūsh jaise marbūt ḳhayālāt ke tāne-bāne ye tirī sāñvlī rañgat ye pareshān ḳhutūt bārhā jaise miTāyā ho inheñ duniyā

%d bloggers like this: