musalsal yaad aatī hai chamak chashm-e-ġhazālāñ kī akelī zaat hai aur raat hai jañgal bayābāñ kī zarā dekho havā-e-sub.h kaise khīñch laa.ī hai akelī pañkhuḌī meñ dilkashī saare gulistāñ kī inhīñ galiyoñ meñ khulte the mulāqātoñ ke darvāze inhīñ galiyoñ meñ chaltī haiñ havā.eñ shām-e-hijrāñ kī koī zarre ko zarra hī samajh kar chhoḌ detā

kis raqs-e-jān-o-tan meñ mirā dil nahīñ rahā go maiñ kisī julūs meñ shāmil nahīñ rahā har chand terī ruuh kā mahram rahā huuñ maiñ lekin tire badan se bhī ġhāfil nahīñ rahā tujh se koī gila hai na terī vafā se hai maiñ hī tire ḳhayāl ke qābil nahīñ rahā bāhar chahak rahī ho ki

malāl-e-dil se ilāj-e-ġham-e-zamāna kiyā ziyā-e-mehr se raushan charāġh-e-ḳhāna kiyā sahar huī to vo aa.e laToñ ko chhaTkāte zarā ḳhayāl-e-pareshāni-e-sabā na kiyā hazār shukr ki ham maslahat-shanās na the ki ham ne jis se kiyā ishq vālehāna kiyā vo jis ke lutf meñ begānagī bhī shāmil thī usī ne aaj guzar dil se mahramāna kiyā vo

TuuT gayā havā kā zor sail-e-balā utar gayā sañg-o-kulūḳh rah ga.e lahar ga.ī bhañvar gayā vo bhī ajiib daur thā dil kā chalan hī aur thā shaam huī to jī uThā sub.h huī to mar gayā kis ke bañdhe hue the ham dāman-e-māhtāb se ham bhī udhar udhar ga.e chāñd jidhar jidhar gayā kitne rafīq-o-ham-safar

dast-e-sumūm dast-e-sabā kyuuñ nahīñ huā dar mausam-e-bahār kā vā kyuuñ nahīñ huā zālim the varā-e-hisāb-o-kitāb kyā un par nuzūl-e-qahr-e-ḳhudā kyuuñ nahīñ huā un ke saroñ pe kyuuñ nahīñ TūTīñ qayāmateñ an ke gharoñ meñ hashr bapā kyuuñ nahīñ huā gūñjī na kyuuñ falak se koī āyat-e-ġhazab ye gumbad-e-sukūt sadā kyuuñ nahīñ huā dil meñ haiñ

monis-e-dil koī naġhma koī tahrīr nahīñ harf meñ ras nahīñ āvāz meñ tāsīr nahīñ aa hī jaatā hai ujaḌtī huī duniyā kā ḳhayāl bāvar aayā ki tirā dard hama-gīr nahīñ hijr ik vaqfa-e-bedār hai do nīndoñ meñ vasl ik ḳhvāb hai jis kī koī ta.abīr nahīñ mere atrāf ye zanjīr-r-alā.eq kaisī zindagī jurm sahī qābil-e-tāzīr

chamak-damak pe na jaao kharī nahīñ koī shai sivā.e shāḳh-e-tamannā harī nahīñ koī shai dil-e-gudāz o lab-e-ḳhushk o chashm-e-tar ke baġhair ye ilm o fazl ye dānish-varī nahīñ koī shai to phir ye kashmakash-e-dil kahāñ se aa.ī hai jo dil-giraftagī o dilbarī nahīñ koī shai ajab haiñ vo ruḳh o gesū ki sāmne jin ke

udaas kar ke darīche na.e makānoñ ke sitāre Duub ga.e sabz āsmānoñ ke ga.ī vo shab jo kabhī ḳhatm hī na hotī thī havā.eñ le ga.iiñ aurāq dāstānoñ ke har aan barq chamaktī hai dil dhaḌaktā hai mirī qamīs pe tinke haiñ āshiyānoñ ke tire sukūt se vo raaz bhī hue ifshā ki jin ko

phir vahī raat phir vahī āvāz mere dil kī thakī huī āvāz kahīñ bāġh-e-naḳhust se aa.ī kisī koyal kī dukh-bharī āvāz abhī chhāyā nahīñ hai sannāTā aa rahī hai koī koī āvāz phaḌphaḌāhaT kisī parinde kī kisī koñpal kī phūTtī āvāz abhī mahfūz hai tirā chehra abhī bhūlī nahīñ tirī āvāz mere bistar pe aa

tire dīvāne har rañg rahe tire dhyān kī jot jagā.e hue kabhī nithre suthre kapḌoñ meñ kabhī añg bhabhūt ramā.e hue us raah se chhup chhup kar guzrī rut sabz sunahre phūloñ kī jis raah pe tum kabhī nikle the ghabrā.e hue sharmā.e hue ab tak hai vahī aalam dil kā vahī rañg-e-shafaq vahī tez