ye ab jo aag banā shahr shahr phailā hai
ye ab jo aag banā shahr shahr phailā hai yahī dhuāñ mire dīvār o dar se niklā thā
ye ab jo aag banā shahr shahr phailā hai yahī dhuāñ mire dīvār o dar se niklā thā
hameñ bhī arz-e-tamannā kā Dhab nahīñ aatā mizāj-e-yār bhī saada hai kyā kiyā jaa.e
‘farāz’ tū ne use mushkiloñ meñ Daal diyā zamāna sāhab-e-zar aur sirf shā.er tū
na mire zaḳhm khile haiñ na tirā rañg-e-hinā mausam aa.e hī nahīñ ab ke gulāboñ vaale
tū itnī dil-zada to na thī ai shab-e-firāq aa tere rāste meñ sitāre luTā.eñ ham
ujaaḌ ghar meñ ye ḳhushbū kahāñ se aa.ī hai koī to hai dar-o-dīvār ke alāva bhī
mar ga.e pyaas ke maare to uThā abr-e-karam bujh ga.ī bazm to ab sham.a jalātā kyā hai
na terā qurb na baada hai kyā kiyā jaa.e phir aaj dukh bhī ziyāda hai kyā kiyā jaa.e
shikva-e-zulmat-e-shab se to kahīñ behtar thā apne hisse kī koī sham.a jalāte jaate
Recent Poetry
ġham tumhārā thā zindagī goyā tum ko khoyā use nahīñ khoyā fart-e-girya se jī na halkā ho bas yahī soch kar nahīñ royā ashk to ashk haiñ sharāb se bhī maiñ ne ye dāġh-e-dil nahīñ dhoyā maiñ vo kisht-e-nashāt kyoñ kāTūñ jis ko maiñ ne kabhī nahīñ boyā aabla aabla thī jaañ phir bhī bār-e-hastī
janam kā andhā jo soch aur sach ke rāstoñ par kabhī kabhī koī ḳhvāb dekhe to ḳhvāb meñ bhī azaab dekhe ye shāhrāh-e-hayat jis par hazār-hā qāfile ravāñ haiñ sabhī kī āñkheñ har ek kā dil sabhī ke raste sabhī kī manzil isī hujūm-e-kashāñ-kashāñ meñ tamām chehroñ kī dāstāñ meñ na naam merā na zaat
vo kaisā shobada-gar thā jo masnūī sitāroñ aur naqlī sūrajoñ kī ik jhalak dikhlā ke mere saada dil logoñ kī āñkhoñ ke diye hoñToñ ke jugnū le gayā aur ab ye aalam hai ki mere shahr kā har ik makāñ ik ġhaar kī mānind mahrūm-e-navā hai aur hañstā boltā har shaḳhs ik dīvār-e-girya hai
ai siyah-fām hasīna tirā uryāñ paikar kitnī pathrā.ī huī āñkhoñ meñ ġhaltīda hai jaane kis daur-e-alama-nāk se le kar ab tak tū kaḌe vaqt ke zindānoñ meñ ḳhvābīda hai tere sab rañg hayūle ke ye be-jān nuqūsh jaise marbūt ḳhayālāt ke tāne-bāne ye tirī sāñvlī rañgat ye pareshān ḳhutūt bārhā jaise miTāyā ho inheñ duniyā